Əmək yarmarkaları vasitəsilə məşğulluq xidmətlərinin göstərilməsi

Əmək yarmarkaları vasitəsilə məşğulluq xidmətlərinin göstərilməsi

Əmək yarmarkaları işəgötürənlərə lazımi kadr seçmək, işaxtaranlarla birbaşa müsahibələr keçirmək imkanını yaratmaq və işsiz və işaxtaran şəxslərin aktiv əmək bazarı proqramları, vakant iş yerləri barədə məlumatlandırılması, iş axtarışı üsulu, əmək bazarında özünü təqdimetmə, peşə istiqamətinin seçilməsi ilə bağlı məsləhətlərin verilməsi məqsədilə keçirilir.

 

Yarmarkanın təşkili formaları:

 

•    iqtisadiyyatın bütün sahələrini əhatə edən peşə və ixtisaslar üzrə ümumi yarmarkaların keçirilməsi,
•    ayrı-ayrı regionlar üzrə yerli əmək bazarının tələblərinə uyğun keçirilən mini yarmarkaların təşkili,
• əmək bazarının tələbləri nəzərə alınmaqla, iqtisadiyyatın ayrı-ayrı sahələri üzrə ixtisaslaşmış yarmarkaların keçirilməsi.

 

Yarmarkada işsiz və işaxtaran şəxslərə aşağıdakı xidmətlər göstərilir:

 

•    karyera imkanları, əmək bazarı və peşələr haqqında məlumatlar verilir;
•    peşə seçiminə istiqamətləndirilir;
•    peşə hazırlığına cəlb edilir;
•    haqqı ödənilən ictimai işlərə cəlb edilir;
•    iş yerlərinə göndəriş verilir.

 

Əmək yarmarkaları mütəmadi olaraq hər il müxtəlif regionlarda və müxtəlif statuslar üzrə həyata keçirilir. Bunlardan, məcburi köçkünlərə, şəhid ailələri və qazilərə, universitetlərdən yeni məzun olmuş gənclərə üstünlük verilir. Əsas məqsəd, işsiz və işaxtaran şəxsləri işlə təmin etmək, işəgötürənlərə yeni kadr seçimi etməyə imkan yaratmaqdır.