“Məşğulluğa Dəstək Layihəsi” çərçivəsində vətəndaşların müraciətlərinin qəbuluna başlandı

Dünya Bankının dəstəyi ilə Azərbaycan Hökuməti tərəfindən həyata keçirilən “Məşğulluğa Dəstək Layihəsi” çərçivəsində özünüməşğulluq proqramına qoşulmaq istəyən vətəndaşların müraciətlərinin qəbuluna başlanıb.

 

Layihə qabaqcıl beynəlxalq təcrübə əsasında özünüməşğulluq proqramının genişləndirilməsinə dəstək məqsədi daşıyır.

 

İşsiz kimi qeydiyyatda olan əlilliyi olan şəxslər, şəhid ailəsi üzvləri, məcburi köçkünlər, ünvanlı dövlət sosial yardımı alanlar, qadınlar, gənclər və həssas qruplardan olan digər şəxslər layihəyə cəlb edilərək, onlar üçün Dünya Bankının dəstəyi ilə kiçik bizneslər yaradılacaq.  2020-2025-ci illəri əhatə edəcək layihə üzrə qeyd edilən kateqoriyalardan olan 22 min işsiz şəxsin, o cümlədən bu il 2 min işsiz şəxsin proqrama cəlb edilməsi nəzərdə tutulur.

 

Layihə 2020-ci il ərzində ilkin olaraq 27 şəhər və rayonu (Bakı şəhəri Binəqədi, Xəzər, Yasamal, Nəsimi, Suraxanı, Xətai rayonları; Sumqayıt, Şirvan, Mingəçevir şəhərləri; Gəncə şəhəri Nizami rayonu; Şəmkir, Tovuz, Qəbələ, Şəki, Masallı, Lənkəran, Xaçmaz, Quba, Yevlax, Bərdə, Göyçay, İmişli, Salyan, Ağdam, Füzuli, İsmayıllı və Şamaxı rayonları) əhatə edəcək.

 

Proqram çərçivəsində aşağıda qeyd olunan fəaliyyət istiqamətləri üzrə kiçik bizneslərin qurulması ilə yanaşı, iştirakçıların müraciətləri əsasında digər istehsal və xidmət sahələri üzrə də aktivlər təklif edilə bilər:

 

1

Un məmulatları istehsalı (kiçik çörəkbişirmə və şirniyyat sexi)

15

Qadın gözəllik salonu

2

PVC qapı və pəncərə hazırlanması

16

Avtomobil şinlərinin təmiri

3

Kişi bərbərxanası

17

Avtoyuma

4

Mebel (Kəsmə, Bant vurma, Oyma işləri)

18

Avtoçilingər

5

Dəmirçi

19

Dülgər

6

Avtotornaçı (tokar)

20

Dönərçi

7

Parket və taxta döşəmə cilalanması

21

Yem üyütmə xidməti (mini yem dəyirmanı)

8

Avtoelektrik

22

Yun darama

9

Meyvə qurutma

23

Naxış vurma

10

Fitness (idman)

24

Təlim-tədris

11

Tekstil məhsulları istehsalı (kiçik dərzi sexi) 

25

Musiqiçi

12

Broyler inkubatoru

26

Ayaqqabı təmiri və istehsalı

13

Poliqrafiya xidmətləri

27

İstixana

14

Foto xidməti

 

 

 

Layihəyə cəlb edilmək üçün www.e-sosial.az portalında “Məşğulluğa Dəstək Layihəsi” bölməsində qeydiyyatdan keçmək, https://forms.gle/bJ4uBBB8fNPFeYyc9 keçidlə müraciət formasını doldurmaq, yerli məşğulluq və ya DOST mərkəzlərinə müraciət etmək olar.

 

Əlavə məlumat almaq üçün: 142 - Çağrı mərkəzi.

 

alt text